Gleym mér ei | Hádegis­tón­leikar í Hörpu­horni

Söngnemendur við tónlistardeild Listaháskóla Íslands gleðja gesti með ljúfum hádegistónum í tónleikaröðinni Gleym mér ei sem fer að þessu sinni fram í samstarfi við Hörpu.

Tónleikarnir eru fjórir talsins og fara allir fram á miðvikudögum kl. 12,  í einstökum hljómi Hörpuhorns í Hörpu. Efnisskráin fléttast í kringum fjölbreytt viðfangsefni hverju sinni, ást og hamingju, sársauka og sorgir. Meðleikur er í höndum Matthildar Önnu Gísladóttur, píanóleikara.

Á lokatónleikum Gleym mér ei sameinast nemendur söng- og hljóðfæradeildar LHÍ og flytja íslensk sönglög úr smiðju tónskáldsins Sveinbjörns Sveinbjörnssonar. 

Aðgangur er ókeypis og öll eru hjartanlega velkomin!

Dagskrá 

8. október | Úr ýmsum áttum
22. október | Óperur og söngleikir
5. nóvember | Sjúkdómar og sársauki
12. nóvember | Íslensk sönglög eftir Sveinbjörn Sveinbjörnsson