a building with a lot of windows and stairs leading up to it .

Skoðunarferðir um Hörpu

Harpa býður upp á skipulagðar skoðunarferðir um húsið á ensku en hægt er að bóka fyrir hópa í skoðunarferðir á íslensku.

Skoðunarferð um Hörpu

Skoðunarferð um Hörpu er ógleymanleg upplifun. Leiðsögumenn segja þér allt um hönnunina, hinn einstaka glerhjúp Ólafs Elíassonar og allt hitt sem gerir Hörpu að því einstaka mannvirki sem hún er.

Einkaleiðsögn

Harpa býður upp á einkaleiðsögn um húsið á íslensku. Farið er yfir sögu og byggingu hússins, einstaka hönnun þess og allt það sem gerir Hörpu að listaverkinu sem hún er. Einnig er hægt að bóka einkaleiðsögn með arkitekt eða einkaleiðsögn með söng. Fyrirspurnir og bókanir sendist á tours@harpa.is.

a group of people are standing in front of a large building with a lot of windows .

Leiðsögumenn

Baldvin Hlynsson

Baldvin Hlynsson hefur komið víða við í íslensku tónlistarsenunni og spilað á öllum helstu tónlistarhátíðum á Íslandi, í öllum tónleikasölum Hörpu og einnig á tónlistarhátíðum víða erlendis. Baldvin hlaut Íslensku Tónlistarverðlaunin árið 2017 sem bjartasta vonin í djass og blús flokki í kjölfar plötu sinnar „Renewal” en hún var einnig valin djassplata ársins það árið hjá Morgunblaðinu. Vorið 2021 útskrifaðist Baldvin frá Konunglega Tónlistarháskólanum í Stokkhólmi með B.A. gráðu í djasspíanóleik.

a man with a beard is standing in front of a white wall in a black and white photo .

Gréta Arnarsdóttir

Gréta er útskrifuð leikkona frá Listaháskóla Íslands. Hún hefur meðal annars starfað sem leiðsögukona frá árinu 2022 og hefur leitt margskonar ferðir um Reykjavík en nýlegast skoðunarferðir um Hörpu. Gréta er einnig texta-, lagasmiður og söngkona og gaf út plötuna ÞOKA í samstarfi við úkraínskan tónlistarmanninn Make Like a Tree. Gréta var í úrvali lagahöfunda sem komu fram fyrir hönd Íslands í Ung Nordisk Music hátíðinni árið 2024. Hún hefur einnig mikinn áhuga á list og menningu og skipuleggur eigin viðburði og vefsíðu fyrir listafólk af öllu tagi.

a black and white photo of a woman with a ponytail

Guðný Guðmundsdóttir

Guðný Guðmundsdóttir er klassískt menntuð söngkona. Hún hefur lokið burtfaraprófi í klassískum söng og er núna í Bakkalárnámi við Listaháskóla Íslands í klassískum söng. Hún hefur víða stigið á svið og komið fram á íslandi og erlendis en gaman er að segja frá því að hún hefur sungið í öllum sölum Hörpu, hvort sem það var með kór eða sem einsöngvari. Hún hefur starfað sem leiðsögumaður í Hörpu frá 2024.

a woman is smiling in front of a wooden fence in a black and white photo .

Ingibjörg Fríða Helgadóttir

Ingibjörg Fríða Helgadóttir er söngkona með fjölbreyttan bakgrunn í tónlist. Hún hefur lokið burtfararprófi bæði í klassískum og rytmískum söng ásamt BA prófi í skapandi tónlistarmiðlun frá Listaháskóla Íslands. Hún starfar við tónlist frá ýmsum hliðum; við upptökur og lifandi tónlistarflutning, kennslu og dagskrárgerð og kemur reglulega fram með ýmsum hópum, svo sem Schola Cantorum og Cantoque Ensemble og að nýrri tónlist með dúóinu Ingibjargir. Hún hefur einnig starfað sem leiðsögumaður í Hörpu í og með frá árinu 2014.

a black and white photo of a woman smiling with her hand on her chin .

Jara Hilmarsdóttir

Jara Hilmarsdóttir er klassískt menntuð söngkona. Hún er nýútskrifuð með bakkalárgráðu frá tónlistarháskolanum í Köln, Þýskalandi, en skólinn er stærsti tónlistarháskóli Evrópu og var Jara ein af þremur sem tekin voru inn á fyrsta ár til bachelor gráðu í klassískum söng haustið 2018. Hún hefur komið fram sem einsöngvari við fjölda tilefna bæði á Íslandi og erlendis og það er gaman að segja frá því að hún hefur sungið í öllum sölum Hörpu, hvort sem það var með kór eða sem einsöngvari.

a black and white photo of a woman with long hair looking at the camera .

Sigurður Ingi Einarsson

Sigurður Ingi Einarsson er hljóðfæraleikari og lagahöfundur. Hann útskrifaðist af slagverksbraut frá Tónlistarskóla FÍH og seinna með BA próf í skapandi tónlistarmiðlun við Listaháskóla Íslands með námsönn í Prins Claus Conservatoire í Groningen. Sigurður hefur verið virkur íslensku tónlistarlífi, spilað með hljómsveitum, í leikhúsi og í fjölbreyttum verkefnum. Einnig semur hann tónlist og gefur hana út undir sínu eigin nafni. Hann hefur kennt tónlist, bæði í grunnskólum og tónlistarskólum, en einnig leiðir hann skapandi tónlistarvinnusmiðjur.