Pétur og úlfurinn | Fjöl­skyldu­dag­skrá Hörpu

Fjölskyldudagskrá Hörpu: Pétur og úlfurinn

📍 Staður: Kaldalón í Hörpu
📅 Dagsetning: Sunnudagur 28. febrúar
🕚 Tími: Kl. 11:00 og 12:30
🎟 Aðgangur: Ókeypis, en nauðsynlegt er að ná sér í miða á harpa.is frá og með 22. febrúar

Hið sígilda tónævintýri Sergeis Prokofiev, Pétur og úlfurinn, er hér fært á svið í margrómaðri brúðusýningu brúðumeistarans Bernd Ogrodnik. Sýningin hefur farið víða frá því hún var frumsýnd árið 2006 og heillað jafnt börn sem fullorðna.

Með brúðum, tónlist og frásögn fylgjumst við með Pétri leggja af stað út í skóg, þar sem hann hittir fyrir litrík dýr og lendir að lokum augliti til auglitis við úlfinn. Persónur sögunnar eiga sér hver sinn hljóm í tónlist Prokofievs og saman skapa tónlistin og brúðurnar ævintýraheim fyrir alla fjölskylduna.

Sýningin er á íslensku en sterk sjónræn frásögn og tónlistin gera það að verkum að hægt er að njóta hennar óháð tungumáli.

Viðburðahaldari

Harpa