Fyrir­tækið

Hlutverk Hörpu er að vera vettvangur fyrir tónlistar- og menningarlíf sem og hvers konar ráðstefnur, fundi og samkomur, innlendar og erlendar. Hlutverk hússins er jafnframt að vera miðstöð mannlífs í miðborg Reykjavíkur fyrir alla landsmenn og áfangastaður ferðamanna innlendra og erlendra sem vilja kynna sér bygginguna, þjónustu í henni og arkitektúr og listaverk í húsinu.

Harpa og dótturfélög

Samstæða Hörpu samanstendur af móðurfélaginu Hörpu og þremur dótturfélögum, sem hvert um sig styður við kjarnarekstur og sérhæfða þætti starfseminnar:

1. Harpa tónlistar- og ráðstefnuhús ohf. (móðurfélag)

Móðurfélagið rekur Hörpu sjálfa og ber ábyrgð á yfirgripsmiklum rekstri hússins og viðburðahaldi ásamt tengdum þjónustuliðum.

2. Greiðslumiðlunin Hringur ehf.

Greiðslumiðlunin Hringur ehf. er hluti af samstæðu Hörpu tónlistar- og ráðstefnuhúss ohf. og hefur þann tilgang að gefa út skuldabréfaflokk vegna byggingar tónlistar- og ráðstefnuhússins Hörpu við Austurhöfn í Reykjavík og annast mánaðarlegar afborganir af útgefnum skuldabréfum í samræmi við ákvæði samnings um rekstur og starfsemi Hörpu.

Framlag íslenska ríkisins og Reykjavíkurborgar vegna byggingar og fjármögnunar Hörpu gengur til greiðslu á lántöku og er veðsett á móti skuldum félagsins. Framlagið byggir á samningi um rekstur og starfsemi Hörpu þar sem íslenska ríkið og Reykjavíkurborg skuldbinda sig til að greiða mánaðarlega framlag í 35 ár til Hörpu. Upphafsgreiðsla var í mars 2011 og greiðslu lýkur árið 2046.

3. Rekstrarfélagið Stæði slhf.

Tilgangur félagsins er að annast rekstur bílastæðahúss Hörpu tónlistar- og ráðstefnuhúss við Austurhöfnina í Reykjavík. Félagið er samlagshlutafélag og ósjálfstæður skattaðili. Skattskyldur hagnaður er skattlagður hjá félagsaðilum á grundvelli hlutafjáreignar. Móðurfélag félagsins er Harpa tónlistar- og ráðstefnuhús ohf. (Harpa). Breytingar urðu á eignaraðild félagsins í byrjun desember 2024 þegar Reykjavík Developement ehf. eignaðist 22,94% hlut Reykjavíkurborgar, en Harpa tónlistar- og ráðstefnuhús ohf er áfram eigandi 77,06%.

4. Rekstrarfélagið Hörpustrengir ehf.

Rekstrarfélagið Hörpustrengir ehf. stendur fyrir menningarviðburðum í Hörpu tónlistar- og ráðstefnuhúsi. Starfsemi félagsins á því sviði lýtur að tónlistar- og menningarviðburðum sem hvorki teljast í samkeppni við aðra afþreyingarmarkaði né fasta notendur Hörpu tónlistar- og ráðstefnuhúss ohf.

Varamenn

Varamenn í stjórn Hörpu eru Arnfríður Sólrún Valdimarsdóttir og Jóhanna Margrét Gísladóttir.

Skipurit Hörpu tónlistar- og ráðstefnuhúss