Fjölskyldan, Fjölskyldudagskrá Hörpu, Menningarnótt, Ókeypis
Lagasmiðja með Kordu Samfóníu | Harpa býður heim
Salur
Silfurberg
Ein magnaðasta hljómsveit landsins, Korda Samfónía, býður fjölskyldum og einstaklingum á öllum aldri að taka þátt í ævintýralegri tónsmiðju þar sem hópurinn semur saman eitt stykki lag á 45 mínútum en lagið
verður svo flutt á örtónleikum fyrir gesti og gangandi.
Þátttakendum er velkomið að taka með sér órafmögnuð hljóðfæri. Bakgrunnur í tónlist er alls ekki skilyrði.
Korda Samfónía er óhefðbundnasta hljómsveit landsins þar sem saman koma einstaklingar á aldrinum 20 til 70+ ára, á ólíkum stöðum í lífinu og með ólíkar sögur að baki. Tilgangurinn með hljómsveitinni er að fólk fái
tækifæri til að vinna saman að sköpun nýrrar tónlistar. Korda Samfónía hefur undanfarin ár haldið árlega vortónleika sína í Silfurbergi í Hörpu. Stjórnandi Kordu er Sigrún Sævarsdóttir Griffiths.
Hér má kynna sér alla dagskrá Hörpu á Menningarnótt.
Viðburðahaldari
Harpa
Silfurberg
Silfurberg er annar stærsti salurinn í Hörpu og sérhannaður sem ráðstefnusalur með fyrsta flokks ljósabúnaði, hljóðkerfi og túlkaklefum. Salurinn hentar einnig vel fyrir rafmagnaða tónlist og veisluhöld.
