Fjöl­skyldu­dag­skrá Hörpu: Kvik­mynda­tón­list: Tónar og tilfinn­ingar

Kvikmyndatónlist: Tónar og tilfinningar

•  7. mars kl. 17:00-18:00 (Ath! Föstudagur!)
  
•  Kaldalón, Harpa 
  
•  Aldur: 10–16 ára 
  
•  Tungumál: Íslenska 
  
•  Aðgangur: Ókeypis – nauðsynlegt er að bóka miða, miðasala hefst 16. febrúar á harpa.is
  

Kvikmyndatónlist: Tónar og tilfinningar er fræðandi og skemmtilegur viðburður fyrir börn, unglinga og foreldra þar sem kvikmyndatónlistin er tekin til skoðunar í allri sinni fjölbreytni.

Kvikmyndatónskáldið Einar Sveinn Tryggvason fræðir áhorfendur um mismunandi tegundir kvikmyndatónlistar og sýnir hljóð- og mynddæmi á skjávarpa. Hvaða áhrif hefur tónlistin sem hljómar í kvikmyndum á okkur? Hvernig breytist upplifunin þegar tónlistin breytist?

Þessi lifandi kynning skerpir hlustunina og dýpkar skilning okkar á því hvernig tónlist mótar sögurnar sem birtast okkur á hvíta tjaldinu.