Ætlunin er að skapa rýminu fallega og fágaða umgjörð í formi myndlistarsýninga og gallerís og veita gestum eftirminnilega upplifun og innsýn í það sem íslensk myndlist hefur uppá að bjóða.

Gestir geta fengið ráðgjöf við val á verkum, fræðst um íslenska myndlist og skoðað bækur um myndlist. Þá ætlum við einnig að vera með viðburðadagskrá með uppákomum þar sem nýjum útgáfum og verkum verður fagnað.

Laugardaginn 4. desember kl 12:00 opnar fyrsta sýning Listvals í Hörpu, Jólasýning Listvals, þar sem yfir 200 verk verða til sýnis og sölu eftir um 70 listamenn.