Óperu­dagar 2025: Óperu­stofan

Ef þú kaupir þrjá eða fleiri viðburði á Óperudögum 2025 færðu 20% afslátt af miðaverði

Einnig er hægt að kaupa hátíðarpassa sem gildir á alla viðburði Óperudaga í Hörpu

Óperustofan hitar upp fyrir lokahelgi hátíðarinnar og landslið íslenskra óperusöngvara mætir liði norrænna óperusöngvara í æsispennandi óperukeppni í Norðurljósum í Hörpu, einum mikilvægasta velli klassískra tónlistarmanna á Íslandi og þó víðar væri leitað. Hinn eini sanni Kolbeinn Tumi, fréttafrömuður, ástríðuíþróttafréttamaður og sérlegur aðdáandi klassískrar tónlistar rýnir í og lýsir frammistöðu keppenda, tekur þá tali og honum til halds og trausts verður fríður flokkur reyndra óperusérfræðinga.

Áhorfendur taka virkan þátt í að ráða niðurstöðum keppninnar og eru hvattir til að hvetja keppendur áfram með nær öllum tiltækum ráðum. Að sjálfsögðu verður gestum heimilit að neyta hugvíkkandi gleðidrykkja meðan á keppni stendur.

Aðstandendur Óperudaga auglýsa nú eftir 4-5 íslenskum óperusöngvurum og 4-5 norrænum óperusöngvurum til að manna liðin en tilkynnt verður um byrjunarliðin á þessari síðu á næstu misserum.

Missið ekki af nýjustu vendingum í óperuíþróttinni og styðjið ykkar lið til sigurs á Norðurljósavelli allra landsmanna.