6. maí 2024
Upprásin 2024/2025 - Opið fyrir umsóknir
Tónleikaröð tileinkuð grasrót íslenskrar tónlistar, þvert á tónlistarstefnur.
Nýverið lauk frábæru fyrsta ári Upprásarinnar, tónleikaröð tileinkaðri grasrótar íslenskrar tónlistar, þvert á tónlistarstefnur. Harpa í samstarfi við Tónlistarborgina Reykjavík og Rás 2 stendur að verkefninu og er það liður í dagskrárstefnu Hörpu um að styðja við og bæta aðgengi grasrótar og ungs fólks í öllum tónlistargreinum að Hörpu og auka við fjölbreytni og aðgengi tónlistaráhugafólks að nýrri íslenskri tónlist, beint úr grasrót tónlistarlífsins, flutta við kjöraðstæður í tónlistarhúsi þjóðarinnar.
Upprásin var haldin í fyrsta sinn sl. vetur (2023-2024). Auglýst var eftir umsóknum á vormánuðum 2023 og bárust 134 umsóknir sem voru hver annarri betri. Vegna fjölda umsókna var ákveðið að stækka verkefnið og koma fyrir þremur hljómsveitum á hverju tónleikakvöldi. Alls voru haldin átta tónleikakvöld frá september ´23 til apríl ´24 þar sem fram komu 24 hljómsveitir með 88 þátttakendum af öllum kynjum.
Upprásin var tilnefnd til Íslensku tónlistarverðlaunanna 2023 í flokknum viðburður ársins og einnig til "Shout out" verðlaunananna hjá Reykjavik Grapevine Music Awards.
Í dag opnaði fyrir umsóknir fyrir þátttöku í Upprásinni veturinn 2024-2025 og eru öll áhugasöm hvött til að sækja um. Frestur til að senda inn umsókn er til og með 20. maí nk.
Fréttir
25. júlí 2024
1.000 sýningar
af How to become Icelandic í Hörpu
28. júní 2024
TourDesk er mætt í Hörpu
TourDesk hafa sett upp bás við inngang Hörpu.
10. júní 2024
Kalabanté fjöllistahópurinn í Hörpu
Daglegt líf í Gíneu er innblástur sýningarinnar Africa in Circus sem er full af lífsgleði, litadýrð, tónlist, dansi og ótrúlegum sirkuslistum.