5. nóvember 2021

Breyt­ingar á samkomutak­mörk­unum

Samkvæmt nýútgefnum samkomutakmörkunum og reglugerð þess efnis mega nú 500 manns koma saman í hólfi en heimilt verður að skipuleggja viðburði fyrir allt að 1.500 manns með hraðprófum.

Grímuskylda mun taka gildi frá og með morgundeginum, 6. nóvember, en ný reglugerð verður birt í dag og mun gilda í 4 vikur eða til 8. desember.

Miðahafar og gestir Hörpu munu fá allar upplýsingar jafnóðum eftir því sem fram vindur, í góðu samstarfi og samráði við viðburðahaldara.

Harpa hefur ávallt lagt áherslu á ábyrgt viðburðarhald og fylgir í einu og öllu núgildandi reglum og viðmiðum um samkomutakmarkanir. Útfærslur á viðburðahaldi eru unnar í nánu samstarfi við almannavarnir með fagmennsku og áreiðanleika að leiðarljósi.

Sem fyrr eru gestir hvattir til að viðhafa einstaklingsbundnar sóttvarnir í hvívetna og gæta að fjarlægðarmörkum í almenningsrými.

Fréttir

6. desember 2021

Harpa klárar fjórða Græna skrefið

Harpa heldur áfram að vinna í því að draga úr neikvæðum umhverfisáhrifum af starfsemi sinni og hefur nú lokið fjórum af fimm Grænum skrefum.

1. desember 2021

Sóttvarnarráðstafanir

Samkvæmt nýjustu sóttvarnareglum þurfa allir gestir fæddir árið 2015 eða fyrr að framvísa neikvæðu hraðprófi, neikvæðu PCR prófi, eða vottorði um fyrri Covid-19 sýkingu, fyrir alla viðburði í Hörpu.

30. nóvember 2021

Listval opnar í Hörpu

Listval er að koma sér fyrir í fallegu rými við aðalinngang á jarðhæð Hörpu.