Íslenska óperan

Íslenska óperan var stofnuð árið 1980 og átti samastað í Gamla Bíó þar til hún fluttist í Hörpu árið 2011 og var íbúi þar allt til ársins 2024 þegar hún hætti rekstri.

Íslenska óperan öðlaðist mikilvægan sess í menningarlífi þjóðarinnar og hlaut ýmis verðlaun og viðurkenningar fyrir vandaðar óperuuppfærslur. Hún setti reglulega upp vandaðar og fjölbreyttar óperusýningar, bæði hefðbundnar og frumsamdar. Þúsundir landsmanna komu á viðburði Óperunnar árlega.

Á hverju starfsári frumsýndi slenska óperan í það minnsta tvær nýjar uppfærslur, auk fræðslustarfs, samstarfsverkefna og tónleikahalds. Kúnstpása voru mánaðarlegir hádegistónleikar í Norðurljósum sem opnir voru öllum án endurgjalds. Þar komu fram margir af þekktustu söngvurum þjóðarinnar, ásamt yngri söngvurum sem voru að kynna sig til leiks á óperusviðinu. Íslenskir listamenn voru jafnan í öndvegi hjá Íslensku óperunni, en jafnframt var erlendum gestum reglulega boðið að taka þátt í uppfærslum. 

Vefur Íslensku óperunnar er www.opera.is