Fjöl­skyldu­dag­skrá Hörpu: Krílatónar

Krílatónar í Hörpu er hugljúf tónlistarstund ætluð börnum á aldrinum 0-3 ára og foreldrum þeirra. Um er að ræða 35 mínútna samverustund í söng, hreyfingu og dansi sem söngkonan og tónlistarkennarinn Ösp Eldjárn leiðir, en hún hefur um árabil unnið við og þróað tónlistarnámskeið fyrir yngstu kynslóðina og foreldra, bæði hérlendis og í London. Notast verður við þulur og barnagælur sem og frumsamin lög og texta í bland við erlend. Stundin hentar vel fjöltyngdum fjölskyldum.

Tónlistarstundirnar fara fram í Norðurljósum á eftirfarandi tímum:

9:30

10:30

11:30

Aðgangur er ókeypis, en þar sem pláss eru takmörkuð er nauðsynlegt að bóka þarf miða hér. Opnað verður fyrir miðabókanir þriðjudaginn 30. apríl kl 10:00.

Athugið að fjöldi þátttakenda er takmarkaður í hverja tónlistarstund og einungis er bókaður miði fyrir barn. Hverjum bókuðum barnamiða fylgir pláss fyrir einn eða tvo fullorðna.

Viðburðurinn er hluti af aðgengisátaki í fjölskyldudagskrá Hörpu sem styrkt er af Barnamenningarsjóði. 

Aðgengi

Viðburðurinn fer fram á sléttu gólfi með góðu aðgengi að lyftum og lausum stólum. 
Viðburðurinn fer fram á íslensku og ensku. 
Nánari upplýsingar um heimsóknir í Hörpu og aðgengismál má finna hér.

Við viljum upplýsa gesti um að ljósmyndari á vegum Hörpu gæti verið viðstaddur viðburðinn. Ef foreldrar eða forráðamenn vilja ekki að myndir af börnum þeirra birtist í umfjöllun um viðburðinn á miðlum Hörpu þá biðjum við ykkur vinsamlegast um að láta starfsfólk eða ljósmyndarann vita á staðnum eða í gegnum netfangið markadsdeild@harpa.is.