Kór Foss­vogsskóla syn­gur í Hör­puhorni

Kór Fossvogsskóla kemur fram í Hörpuhorni, laugardaginn 25. apríl, klukkan 14:00 - 14:30. Stjórnandi er Björg Þórsdóttir og píanóleikari Sævar Jóhannsson.

Tónleikarnir eru liður í tónleikaröð í Hörpuhorni sem Félag íslenskra kórstjóra gengst fyrir í samstarfi við Hörpu. Tónleikar fara fram 25. apríl og 1. og 3. maí.

-

Kór Fossvogsskóla er á sínu þriðja starfsári en í kórnum syngja um 140 börn frá 2. - 7. bekk sem velja að vera í kór á skólatíma.

Kórinn kemur fram við margvísleg tilefni innan skólans og utan hans; fyrir jól söng kórinn fyrir eldri borgara á Sléttuvegi, söng í Kringlunni þegar jólatréð var tendrað auk þess að koma fram á jólaföndri foreldrafélagsins. Kórinn söng einnig á stóru upplestrarkeppninni og heldur vortónleika í Bústaðakirkju 28. apríl næstkomandi. Kórstjóri er Björg Þórsdóttir, sem er jafnframt tónmenntakennari við skólann.

Á tónleikunum í Hörpuhorni munu söngvarar úr 3. - 7. bekk koma fram og syngja margvísleg lög við undirleik Sævars Helga Jóhannssonar.

Promoter

Dægurflugan