Kórinn Bjartsýni syn­gur í Hör­puhorni

Kórinn Bjartsýni syngur falleg lög úr ólíkum áttum. Stjórnendur eru Stefan Sand og Arnhildur Valgarðsdóttir.

Hvar: Hörpuhorn
Hvenær: Sunnudag, 25. maí kl. 14

Kórinn Bjartsýni var stofnaður síðastliðið haust og æfir vikulega í húsnæði Blindrafélagsins. Kórinn starfar af metnaði og gleði og mun meðal annars koma á vegum Listar án landamæra og mun aftur koma fram í Hörpu á menningarnótt. Heiðursfélagar í kórnum eru leiðsöguhundarnir Vísir , Gaur og Alex . Stjórnendur eru Stefan Sand og Arnhildur Valgarðsdottir. Starfsemi kórsins er styrkt af Blindrafélaginu.

Tónleikarnir eru liður í vortónleikaröð Félags íslenskra kórstjóra í Hörpuhorni. Aðgangur er ókeypis og öll hjartanlega velkomin.