Bertrand Chamayou – Einleiks­tón­leikar

Gagnrýnendur hafa vart undan því að lofa píanóleik Bertrands Chamayou. Efnisval hans hefur verið kallað frumlegt og leitandi, leikurinn kraftmikill, tæknilega fullkominn og hrífandi fagur.

Ljóð án orða er leiðarstef þessara tónleika, þar sem öll efnisskráin tengist sönglögum sem orðið hafa tónskáldum innblástur. Smálög Mendelssohns, Ljóð án orða, eru viðeigandi upphaf þessa ferðalags. Þeim fylgir tónlist sem rímar vel við hógvær og innileg lög Mendelssohns, þar á meðal Söngur án (góðra) orða eftir Charles Ives, „Tileinkun“ Schumanns og dreymandi upprifjun Kurtágs á gleymdum rúmenskum jólasálmi. Vangaveltur George Crumbs um sígildan ópus Thelonious Monks ’Round Midnight, í Eine kleine Mitternachtmusik og frjálsleg útsetning Takemitsus á Bítlalaginu Golden Slumbers færa okkur á framandi slóðir. Tónleikunum lýkur svo á hinni glæsilegu Wanderer-fantasíu eftir Franz Schubert þar sem hver hinna fjögurra þátta hefst á tilbrigði við samnefnt sönglag tónskáldsins.

Píanó


Bertrand Chamayou 

Efnisskrá
Felix Mendelssohn Lieder Ohne Worte (Úrval Úr Heftum I, Iii Og Vi)
Charles Ives Song Without (Good) Words
John Lennon & Paul Mccartney / Toru Takemitsu Golden Slumbers
Robert Schumann / Franz Liszt Widmung
George Crumb Eine Kleine Mitternachtmusik
György Kurtág Scraps Of A Colinda Melody – Faintly Recollected
Franz Schubert Wanderer Fantasie

Viðburðahaldari

Sinfóníuhljómsveit Íslands