Velkomin heim

Tónleikaserían Velkomin heim, sem verður haldin í níunda skipti sumarið 2026, er orðinn árviss liður í sumartónleikahaldi Hörpu en um er að ræða samstarfsverkefni Hörpu og F.Í.T. sem er klassísk deild FÍH.

Tónleikarnir fara að öllu jöfnu fram í Hörpuhorni yfir hásumarið og njóta mikilla vinsælda. Markmiðið með tónleikunum er að veita ungu tónlistarfólki úr klassíska og rytmíska geiranum sem hefur stundað framhaldsnám erlendis, vettvang og tækifæri til að kynna sig í helsta tónlistarhúsi þjóðarinnar.

Tónleikaröðin verður haldin í níunda skipti, í júlí 2026. Tónleikar fara fram í Hörpuhorni á sunnudögum í júlí og eru um klukkustunda langir.

FÍT heldur utan um skipulag tónleikaraðarinnar og hvetur ungt og efnilegt tónlistarfólk til að sækja um fyrir tónleikaröð sumarsins.

Vinsamlegast sendið ferilsskrá og drög að efnisskrá á fiston@fih.is. Umsóknarfrestur er til og með sunnudagsins 1. mars 2026.

Tónlistarflytjendur í Velkomin heim sumarið 2025

• Hanna Ágústa Olgeirsdóttir, sópran ásamt Viðari Guðmundssyni á píanó.
• Sandra Lind Þorsteinsdóttir, sópran ásamt Önnu Þórhildi Gunnarsdóttur.
• Sigríður Hjördís Önnudóttir, flauta ásamt Þóru Kristínu Gunnarsdóttur.
• Sólveig Steinþórsdóttir, fiðla.
  

Velkomin heim sumarið 2024

• Anna Guðrún Jónsdóttir, sópran ásamt Evy Þyri Hilmarsdóttur á píanó.
• Anna Elísabet Sigurðardóttir, víóla ásamt Hirti Páli Eggertssyni á selló og Bjarna Frímanni Bjarnasyni á píanó.
• Geirþrúður Anna Guðmundsdóttir, selló ásamt Bjarna Frímanni Bjarnasyni á píanó og Margréti Hannesdóttur á selló.
• Vera Hjördís Matsdóttir, sópran ásamt Einari Bjarti Egilssyni á píanó.

Velkomin heim sumarið 2023

• Bryndís Guðjónsdóttir, sópran ásamt Evu Þyri Hilmarsdóttur á píanó.
• Björgvin Ragnar Hjálmarsson, saxófónn ásamt Baldvin Hlynssyni á píanó.
• Kristín Einarsdóttir Mäntylä, mezzósópran ásamt Evy Þyri Hilmarsdóttur á píanó.
• Sólveig Vaka Eyþórsdóttir, fiðla ásamt Ernu Völu Arnardóttur á píanó
• Tumi Torfason, trompetleikari og tónskáld ásamt Óskari Guðjónssyni á saxófón og Hilmari Jensssyni á gítar.

Velkomin heim sumarið 2022

• Harpa Ósk Björnsdóttir, sópran ásamt Sebastian Fuß á píanó.
• Baldvin Hlynsson, píanó ásamt Ara Braga Kárasyni á trompet.
• Erna Vala Arnardóttir, píanó.
• Steiney Sigurðardóttir, selló ásamt Mathias Susaas Halvorsen á píanó og Finn Schofield á klarinett.

Velkomin heim sumarið 2021

• Halldór Bjarki Arnarson, semball.
• Jóna G. Kolbrúnardóttir, sópran ásamt Elenu Postumi á píanó.
• Kristinn Smári Kristinsson og tríóið Minua: Luca Aaron, gítar og fartölva & Fabian Willmann, bassaklarinetta.
• Þóra Kristín Gunnarsdóttir, píanó ásamt Eden Sekulovic á selló.

Velkomin heim árið 2020

• Anna Sóley Ásmundsdóttir, jazzsöngkona ásamt Birgi Steini Theodorssyni á kontrabassa, Mikael Mána Ásmundssyni á gítar og Magnúsi Trygvasyni Eliassen á trommur.
• Álfheiður Erla Guðmundsdóttir, sópran ásamt Pétri Björnssyni á fiðlu, Steineyju Sigurðardóttur á selló og Halldóri Bjarka Arnarsyni á sembal.
• Dúplum Dúó - Björk Níelsdóttir, sópran og Þóra Margrét Sveinsdóttir, víóla.
• Sölvi Kolbeinsson ásamt Magnúsi Trygvasyni Eliassen á trommur.

Velkomin heim árið 2019

• Gulli Björnsson, gítar.
• Ingi Bjarni Skúlason, píanó ásamt Þorgrími Jónssyni á kontrabassa og Magnúsi Trygvasyni Eliassen á trommur.
• Ítríó - Helga Kristbjörg Guðmundsdóttir, Jón Þorsteinn Reynisson og Jónas Ásgeir Ásgeirsson á harmonikkur).
• Sólveig Thoroddsen, harpa.

Velkomin heim árið 2018

• Berta Dröfn Ómarsdóttir, sópran ásamt Sigurði Helga Oddssyni á píanó.
• Kammersveitin Elja.
• Mikael Máni Ásmundsson, gítar.
• Sigmar Þór Matthíasson, kontrabassi ásamt Snorra Heimissyni á fagott.
• Viktoría Sigurðardóttir söngkona ásamt Einari Bjarti Egilssyni píanóleikara.
  
  
  

Velkomin heim árið 2017

• Anna Gréta Sigurðardóttir, píanóleikari og tónskáld ásamt sönghópnum Fjárlaganefnd, Valdimar Kolbeini Sigurjónssyni, kontrabassa og Matthíasi Hemstock á slagverk.
• Baldvin Ingvar Tryggvason, klarínett ásamt Helgu Bryndísi Magnúsdóttur á píanó.
• Einar Bjartur Egilsson, píanó.
• María Magnúsdóttir, söngkona og lagahöfundur ásamt Berki Hrafni Birgissyni á gítar, Róberti Þórhallssyni á bassa og Þorvaldi Þór Þorvaldssyni á trommur.
• Marína Ósk Þórólfsdóttir, söngur og Mikael Máni Ásmundsson á gítar.
• Valdís Gregory, sópran ásamt Evu Þyri Hilmarsdóttur á píanó.
  
  
  
  
  
  

Velkomin heim árið 2016

• Chrissie Thelma Guðmundsdóttir, fiðla.
• Jónína Björt Gunnarsdóttir, söngur og Ásbjörg Jónsdóttir, píanó.