Umsókn Sígildir sunnudagar

Harpa auglýsir eftir þátttakendum í tónleikaröðinni Sígildir sunnudagar veturinn 2026-2027.

Sígildir sunnudagar er regnhlífarhugtak yfir klassískar tónleikaraðir og staka viðburði í Norðurljósum/Kaldalóni á sunnudögum kl 16:00, frá hausti 2026 og fram á vor 2027. Með röðinni gefst áheyrendum kostur á reglulegum, fyrsta flokks kammertónleikum í Hörpu. Lögð er áhersla á fjölbreytt úrval tónleika með sígildri söng- og hljóðfæratónlist.

Sem fyrr er skipulag tónleika í höndum tónlistarmannanna sjálfra en Harpa veitir stuðning með 50% afslætti á salarleigu, auk þess sem tónleikaröðin er kynnt með áberandi hætti í miðlum Hörpu, með það að markmiði að stækka áheyrendahóp klassískra kammertónleika.

Umsóknarfrestur er til og með 1. apríl 2026.