Ókeypis, Sígild og samtímatónlist, Tónlist
Velkomin heim | Asalaus
Salur
Hörpuhorn
Asalaus (Ása Önnu Ólafsdóttir) flytur eigin tónlist í tónleikaröðinni Velkomin heim, sunnudaginn 19. júlí klukkan 16. Tónleikaröðin er á vegum FÍT og FÍH í samstarfi við Hörpu.
Tónleikarnir fara fram í Hörpuhorni, annarri hæð Hörpu. Aðgangur er ókeypis og öll hjartanlega velkomin.
-
Asalaus (Ása Önnu Ólafsdóttir, f. 2000) er hljóð- og tónlistarkona og tónskáld frá Reykjavík. Í verkum sínum vinnur hún með samband efnislegra hluta og hljóðs. Oft notast hún við segulmagnað efni eins og segulband og koparspólur, en efniviður hvers og eins verks hefur áhrif á gerð og útkomu þess. Sem tónskáld og tónlistarkona notar hún grafíska nótnaskrift, óhefðbundna spilatækni, og rafhljóð í verkum sínum og blandar saman spuna og fyrirfram sömdu efni. Hún hefur gefið út nokkrar plötur, bæði sem Asalaus og sem meðlimur hljómsveitanna Ateria og Gaffer Ensemble. Verk Asalaus hafa verið flutt og sýnd víða í Evrópu og Ameríku. Ása hefur nýlokið við MFA gráðu í hljóðlist frá Columbia University.
Viðburðahaldari
Harpa
Hörpuhorn
Hörpuhorn er glæsilegt opið rými, við glerhjúpinn á annarri hæð, með útsýni yfir miðborgina, hafið og fjöllin. Í Hörpuhorni eru margir möguleikar á útfærslu tónleika fyrir allar tónlistarstefnur.
