Vínar­tón­leikar - Sinfón­íu­hljóm­sveit Íslands

Vínartónleikar Sinfóníuhljómsveitar Íslands hafa um árabil verið allra vinsælustu tónleikar hljómsveitarinnar. Þeir eru sannkölluð nýársveisla og sú létta og skemmtilega tónlist sem þar hljómar gefur tóninn fyrir nýtt ár. Á efnisskránni er að vanda sígild Vínartónlist sem kemur öllum í gott skap; valsar, polkar, og fjörug galopp. Þá hljóma aríur og dúettar úr vinsælum óperettum í flutningi tveggja framúrskarandi einsöngvara. Sópransöngkonan Harpa Ósk Björnsdóttir er Íslendingum að góðu kunn, en hún er nú fastráðin við óperuna í Basel í Sviss. Eggert Reginn Kjartansson, tenórsöngvari hefur að undanförnu vakið athygli í uppfærslum Kammeróperunnar, nú síðast sem Don Jose í Carmen. Auk þeirra koma fram samkvæmisdansarar sem stíga létt og glæsileg spor í Eldborg við dynjandi Vínartónlistina. Vínartónleikarnir eru ævinlega fullkominn upptaktur að nýju ári og færa áheyrendum birtu og yl í svartasta skammdeginu.

Hljómsveitarstjóri
Christoph Koncz

Einsöngvarar
Harpa Ósk Björnsdóttir
Eggert Reginn Kjartansson 

Viðburðahaldari

Sinfóníuhljómsveit Íslands