Plácido Domingo

Plácido Domingo

In recital: "A Life In Music And Song"

Upplifðu óperugoðsögnina Plácido Domingo í Eldborg í Hörpu, þar sem hann kemur fram ásamt sópransöngkonunni Adela Zaharia og píanóleikaranum James Vaughan á einstökum og ógleymanlegum tónleikum.

Hann er lifandi goðsögn og ein fremsta óperurödd samtímans. Nú gefst kostur á að upplifa Plácido Domingo í Eldborg.

Domingo er talinn einn allra besti óperusöngvari heims og jafnframt virtur hljómsveitarstjóri. Hann hefur gegnt stöðu listræns stjórnanda afmælishátíðar Arena di Verona og verið framkvæmdarstjóri bæði Los Angeles óperunnar og þjóðaróperunni í Washington. Á ferli sínum hefur hann túlkað yfir 150 hlutverk í meira en 4.400 sýningum, selt milljónir platna og fyllt leikvanga víða um heim.

Rúmenska sópransöngkonan Adela Zaharia hreppti fyrsta sætið í Operalia árið 2017, hinni virtu óperukeppni sem Plácido Domingo stofnaði sjálfur. Síðan hefur hún verið rísandi stjarna og talin ein merkasta nýja röddin á sviði klassískrar tónlistar á síðari árum.

James Vaughan, tónlistarmaður frá Dublin, hefur lengi verið talinn á meðal fremstu píanóleikara, undirleikara og raddkennara í Evrópu. Hann er með BA-próf í tónlistarfræði og tónsmíðum frá Trinity-háskólanum í Dublin og hlaut einnig viðurkenningu frá Trinity-háskólanum í London sem einleikari á píanó.

Saman flytja Plácido Domingo, James Vaughan og Adela Zaharia efnisskrá sem Domingo hefur sjálfur valið og mótað með hliðsjón af áhorfendum, salnum og eigin listrænni innsýn. Hér er um að ræða einstaka tónleika og tónlistarupplifun langt umfram hið venjulega.

Plácido Domingo: barítón

Sópran: Adela Zaharia

James Vaughan: píanóleikari

Ljósmyndari: Fiorenzo Niccoli

Viðburðahaldari

Tónleikur