Umbreyting er ákvörðun - Janú­ar­ráð­stefna Festu 2026

Janúarráðstefna Festu 2026 - Umbreyting er ákvörðun

Janúarráðstefna Festu er stærsti árlegi sjálfbærniviðburður á Íslandi. Ráðstefnan fer fram í Hörpu þann 30. janúar undir yfirskriftinni "Umbreyting er ákvörðun”.

Umbreyting felur í sér ákvörðun um að trúa á framtíðina og á ráðstefnunni leiðir Festa saman áhrifafólk, sérfræðinga og skapandi hugsuði, innlenda og erlenda, sem deila raunverulegum umbreytingarsögum úr ólíkum geirum atvinnulífsins. Dagskráin er að venju afar fjölbreytt og glæsileg og verður kynnt innan skamms.

Sem sérstakan kaupauka fyrir þau fyrstu til að tryggja sér miða býður Festa í fyrsta sinn uppá gagnvirka vinnustofu með EN-ROADS loftslaghermilíkaninu innifalda í miðanum. Líkanið var þróað af MIT-háskóla og Climate Interactive og hefur verið notað víða um heim af leiðtogum í stjórnmálum, viðskiptalífi og menntakerfi til að efla gagnreynda umræðu og ákvarðanatöku í loftslagsmálum

Vinnustofurnar verða tvær og eru tveir tímar í senn og munu fara fram þann 22. janúar. Hægt er að skrá sig á vinnustofuna hér, eftir að búið er að kaupa miða á ráðstefnuna. (Athugið að einungis 70 sæti eru í boði á EN-ROADS og fyrstur kemur, fyrstur fær).