Seigla - Quart­er-Life Crisis

Flytjendur: Temporal Harmonies Inc: Lydia Walquist flautuleikari, Mikolaj Piszczorowicz sellóleikari, Xiaowen Shang píanóleikari

Tríóið Temporal Harmonies Inc. íhugar hvernig og hvar við getum fundið von og mótstöðu í menningarumhverfi sem virðist einkennast af vonleysi. Efnisskráin samanstendur af mögnuðum tónverkum sömdum í byrjun 21. aldar, en við bjóðum áhorfendum Seiglu að bæta sinni rödd við frásagnir flytjendanna. Áhorfendur fá tækifæri til að taka þátt í flutningnum með því að teikna sína eigin grafísku nótnaskrift á meðan tónleikarnir fara fram sem svar við tónlistinni sem er flutt. Þannig verða tónleikarnir að samvinnuverkefni milli áhorfenda og flytjenda, uppbygging á samfélagi, en það gæti verið ein leið til að skapa mótstöðu gegn því máttleysi eða vonleysi sem valdhafar hrinda af sér.

Efnisskrá tónleikanna rammast af tveimur verkum eftir Zygmund de Somogyi fyrir flautu, selló og píanó sem rannsaka „kjarna kynslóðakreppunnar sem mörg okkar finna, sem eiga rætur í heimsstjórnmálum, efnahagslegri permakreppu og loftslagsvá.“ Þetta eru verkin Synth Etude og Trio No. 1. Þessi verk eru pöruð við skopskynslegt og ógnvekjandi tríó Liebermanns Op. 87, Mirrors eftir Saariaho og In Manus Tuas eftir Shaw. 

Það að teikna tónlist á meðan við flytjum hana getur verið leið til að upplifa og íhuga tónlistina á annan máta. Við munum safna verkunum sem eru teiknuð í fyrri hluta tónleikanna, og þeim verður varpað upp á tjald eftir hlé og flutt. 

Efnisskrá:
Zygmund de Somogyi (1996)
Music for the Quarter-Life Crisis (synth etýða, heimsfrumflutningur)

Ashkan Layegh (1996)
Nýtt verk skrifað fyrir Seiglu (heimsfrumflutningur) 

Lowell Liebermann (1961)
Tríó nr. 2 fyrir flautu, selló og píanó Op. 87 

Caroline Shaw (1982)
In Manus Tuas 

Kaija Saariaho (1952-2023)
Mirrors 

Zygmund de Somogyi (1996)
IN THE EVENT THAT YOU STAY: Tríó fyrir flautu, selló og píanó nr. 1

Hátíðardagskrá Seiglu, upplýsingar um flytjendur og aðra viðburði má finna á www.seiglafestival.com

Harpa er sérstakur styrktaraðili Seiglu 2025. Tónlistarhátíðin Seigla er einnig styrkt af Styrktarsjóði SUT og Ruthar Hermanns, Ýli, Listaháskóla Íslands og Íslenska Schumannfélaginu.