Hljóm­sveit­ar­stjóra­aka­demían - Sinfón­íu­hljóm­sveit Íslands

Leiðbeinandi: 
Eva Ollikainen

Efnisskrá
Ludwig Van Beethoven Forleikurinn Að Prómeþeifi
Wolfgang Amadeus Mozart Sinfónía nr. 40

Sinfóníuhljómsveit Íslands heldur nú í sjöunda sinn námskeið í hljómsveitarstjórn undir stjórn og leiðsögn Evu Ollikainen, aðalhljómsveitarstjóra sveitarinnar. Í akademíunni fær ungt og efnilegt tónlistar fólk tækifæri til þess að spreyta sig á stjórnandapallinum og stjórna hljómsveitinni, undir styrkri handleiðslu Evu Ollikainen. Akademían er fyrst og fremst vettvangur nemenda sem lokið hafa miðprófi hið minnsta í hljóðfæraleik eða söng. Völdum nemendum gefst svo tækifæri til að stjórna Sinfóníuhljómsveit Íslands á opnum hádegistónleikum í lok námskeiðsins.

Þetta starf er farið að bera ríkulegan ávöxt og hafa nemendur akademíunnar þegar látið til sín taka á pallinum, bæði hér heima og erlendis.

Viðburðurinn er öllum opinn og geta gestir fylgst með þessum hæfileikaríku stjórnendum stíga sín fyrstu skref á pallinum. Aðgangur er ókeypis.

Viðburðahaldari

Sinfóníuhljómsveit Íslands