Klassík, Sígild og samtímatónlist, Sinfóníuhljómsveit, Tónlist
Sibelius & Beethoven - Sinfóníuhljómsveit Íslands
Verð
2.990 - 10.100 kr
Næsti viðburður
fimmtudagur 20. nóvember - 19:30
Salur
Eldborg
Sinfóníuhljómsveit Íslands
Hljómsveitarstjóri: Tomáš Hanus
Einleikari: Guido Sant‘Anna
Efnisskrá
Jean Sibelius Fiðlukonsert
Ludwig van Beethoven Sinfónía nr. 3, Eroica
Brasilíska ungstirnið Guido Sant’Anna heimsækir Ísland í fyrsta sinn og leikur einleik með Sinfóníuhljómsveit Íslands í hinum sívinsæla og glæsilega fiðlukonserti eftir Jean Sibelius. Sant’Anna skaust upp á stjörnuhimin fiðluleiksins þegar hann bar sigur úr býtum í Fritz Kreisler fiðlukeppninni árið 2022, fyrstur suður-amerískra fiðluleikara. Fáir einleikskonsertar eru jafn safaríkir og ástríðufullir og vinsældir verksins því auðskiljanlegar þegar hlýtt er á konsertinn.
Aðalgestastjórnandi Sinfóníuhljómsveitar Íslands, Tomáš Hanus, stjórnar 3. sinfóníu Beethovens á seinni hluta tónleikanna. Hetjusinfónían svokallaða markaði þáttaskil í tónlistarsögunni þegar hún var frumflutt árið 1805. Verkið var lengra og flóknara en áður hafði komið fram í heimi sinfónískrar tónlistar, tilfinningaleg dýpt þess var meiri og öll framvinda sinfóníunnar byltingarkennd. Fá verk eru jafn rækilega tengd þeim samtíma sem þau eru sprottin úr, tónskáldið tileinkaði verkið Napoleon Bonaparte en strikaði síðar yfir tileinkunina.
Viðburðahaldari
Sinfóníuhljómsveit Íslands
Miðaverð er sem hér segir
A
8.700 kr.
B
6.700 kr.
C
4.900 kr.
D
2.990 kr.
X
10.100 kr.
Dagskrá
fimmtudagur 20. nóvember - 19:30
Eldborg
Eldborg er stærsti salur Hörpu þar sem öll hönnun og útfærsla skapar glæsilega umgjörð. Salurinn er sérhannaður til tónleikahalds, en hentar einnig vel fyrir ráðstefnur og fyrirlestra.
Næstu viðburðir í Eldborg