Vókal Víf syngur í Hörpu­horni

Sönghópurinn VÓKAL VÍF flytur fjölbreytta efnisskrá með kórverkum frá Íslandi, Þýskalandi, Slóveníu og Bandaríkunum. Flest verkin eru samin á síðustu þremur áratugum og skrifuð fyrir kvenna- og barnakóra.

Hvar: Hörpuhorn
Hvenær: Sunnudag, 11. maí kl. 14:45 - 15:15.

VÓKAL VÍF var stofnaður haustið 2023 og samanstendur af tíu konum sem allar búa yfir mikilli söng- og kórreynslu. Skýr listræn sýn, sterk félagsleg heild og metnaður einkennir starf og verkefnaval kórsins. Stjórnandi og stofnandi kórsins, Ingibjörg Guðjónsdóttir, hefur átt farsælan feril síðastliðin þrjátíu ár, bæði sem einsöngvari og kórstjórnandi.

Tónleikarnir eru liður í vortónleikaröð Félags íslenskra kórstjóra í Hörpuhorni. Aðgangur er ókeypis og öll hjartanlega velkomin.