Harpa er stolt af því að hljóta Travellers’ Choice verðlaun Tripadvisor fyrir árið 2025, sem staðfestir þá frábæru upplifun sem gestir Hörpu alls staðar að úr heiminum lýsa í umsögnum sínum.

Harpa hefur verið á verðlaunalista Tripadvisor ár hvert frá 2015. Allt frá því að hljóta Certificate of Excellence árin fyrir 2020 og yfir í Travellers’ Choice verðlaunin á síðari árum.

Sem fallega hönnuð og margverðlaunuð bygging gegnir Harpa mikilvægu hlutverki í íslenskri ferðaþjónustu og er eitt helsta kennileiti höfuðborgarsvæðisins, sem laðar að sér þúsundir gesta ár hvert. Harpa er staðráðin í að halda áfram að skapa framúrskarandi upplifun fyrir hvern einasta gest sem heimsækir húsið.