Laufáskórinn syn­gur í Hör­puhorni

Tónleikarnir eru liður í tónleikaröð í Hörpuhorni sem Félag íslenskra kórstjóra gengst fyrir í samstarfi við Hörpu. Tónleikar fara fram 25. apríl og 1. og 3. maí.

-

Laufáskórinn var stofnaður í ágúst 2022 að Laufásvegi í Þingholtunum í Reykjavík, en þaðan dregur kórinn nafn sitt. Kórstjóri og stofnandi er Agnes Jórunn Andrésdóttir en hún hefur lokið kórstjóraprófi frá Tónskóla Þjóðkirkjunnar ásamt því að stunda söng- og hljóðfæranám frá unga aldri. Laufáskórinn er fyrsti kórinn sem Agnes stofnaði og með því byrjaði ferill hennar sem kórstjóri. Haustið 2024 kom kórinn fram á tónleikum með Yo-Yo Ma ásamt fleiri kórum í Hörpu. Einnig hélt kórinn eftirminnilega Hrekkjavökutónleika í Langholtskirkju í október 2024. Laufáskórinn frumflytur reglulega kórverk eftir kórmeðlimi. Kórinn samanstendur af söngunnendum úr ýmsum áttum sem öll eiga það sameiginlegt að njóta þess að syngja í skemmtilegum hópi.

Promoter

Harpa