Harpa tónlistar- og ráðstefnuhús ohf. og dótturfélögin Hörpustrengir ehf., Greiðslumiðlunin Hringur ehf. og Rekstrarfélagið Stæði slhf. leggja metnað í að vinna að jafnvægi milli efnahags, umhverfis og samfélags með sjálfbærni að leiðarljósi. Félögin skuldbinda sig til þess að stefna þeirra og starfshættir séu í samræmi við grundvallarviðmið sem snúa að mannréttindum, vinnumarkaði, umhverfi og aðgerðum gegn spillingu. Ábyrg neysla og framleiðsla eru jafnframt meðal áherslumarkmiða Hörpu um ábyrg innkaup.
Í samræmi við ofangreint gerir Harpa og dótturfélögin þá kröfu til birgja sinna, það er þeirra fyrirtækja og einstaklinga sem sjá Hörpu og dótturfélögum fyrir vörum og þjónustu, að þeir fylgi þessum grundvallarviðmiðum og gerir jafnframt kröfu til þess að þeirra birgjar fylgi þeim einnig. Ef þess er óskað skal birgir staðfesta að þessum grundvallarviðmiðum sé fylgt, á staðfestingarformi neðar á þessari síðu.