![](http://images.ctfassets.net/nl35sbcspsvu/29s6MH4rvoArOGrlFqI9Tk/35dca2b6f6aabc09f42a516211b3316e/sj3x1jn85r-2400x1600.jpg?w=750&h=493&fl=progressive&q=85&fm=jpg)
Styrkir
![](http://images.ctfassets.net/nl35sbcspsvu/29s6MH4rvoArOGrlFqI9Tk/35dca2b6f6aabc09f42a516211b3316e/sj3x1jn85r-2400x1600.jpg?w=750&h=493&fl=progressive&q=85&fm=jpg)
Harpa er heimavöllur íslenskrar tónlistar og heimssvið fyrir alþjóðlega strauma.
Harpa er tónlistarhús á heimsmælikvarða, aðalsmerki íslenskrar menningar og opin fyrir allar tegundir tónlistar.
Ýlir, tónlistarsjóður Hörpu fyrir ungt fólk og SUT, Styrktarsjóður Samtaka um tónlistarhús og Ruthar Hermanns veita styrki til tónleikahalds í Hörpu.
Flestallir viðburðir í Hörpu eru haldnir af þriðja aðila eða viðburðahaldara þar sem Harpa er leigusali. Harpa getur því ekki styrkt einstaklinga eða félagasamtök með miðum á viðburði.
Allar fyrirspurnir varðandi styrkveitingar skulu sendast á harpa@harpa.is.
Upprásin
Tónleikaröðin Upprásin fer fram í Kaldalóni eitt þriðjudagskvöld í mánuði veturinn 2023-2024. Tónleikaröðin er liður í því að framfylgja dagskrárstefnu Hörpu um bætt aðgengi grasrótar og ungs fólks í öllum tónlistargreinum og auka við fjölbreytni. Markmiðið er einnig að tónlistaráhugafólk geti gengið að því vísu að heyra fjölbreytta nýja íslenska tónlist, beint úr grasrót tónlistarlífsins, flutta við kjöraðstæður í tónlistarhúsi þjóðarinnar.
![](http://images.ctfassets.net/nl35sbcspsvu/6WNYeM6cW7UoJtGEoD0HjK/be5a86fc691a58d52c59b5f7529da104/1920x1080.png?w=750&h=504&q=85&fm=png)
Sígildir sunnudagar
Á Sígildum sunnudögum gefst áheyrendum kostur á fyrsta flokks kammertónleikum reglulega yfir veturinn í Hörpu. Skipulag er í höndum tónlistarhópanna sjálfra en Harpa veitir röðinni stuðning með afslætti á salarleigu, kynningu og aðstoð við markaðssetningu. Öllum er frjálst að sækja um og er reynt eftir fremsta megni að koma sem flestum að.
![](http://images.ctfassets.net/nl35sbcspsvu/1uG4YVAkBDo5WOnjHIyfk8/c162e259082e8a62f0f6389b84789d68/Sigildir_sunnudagar_almennt_1920x1080__1_.jpg?w=750&h=504&fl=progressive&q=85&fm=jpg)
Ýlir tónlistarsjóður Hörpu
Ýlir – Tónlistarsjóður Hörpu fyrir ungt fólk hefur það að markmiði að styðja ungt tónlistarfólk og veita því tækifæri til að koma fram í Hörpu. Sjóðurinn styður við verkefni af ólíkum toga og vill þannig ýta undir fjölbreytt tónlistarlíf í húsinu.
![](http://images.ctfassets.net/nl35sbcspsvu/3RALWHrUB7VGVVv4zGcXMg/3e6898b3a6418897ecba7f3664eba8a2/harpa.jpg?w=750&h=504&fl=progressive&q=85&fm=jpg)
Styrktarsjóður Samtaka um tónlistarhús og Ruthar Hermanns
Tilgangur sjóðsins er að stuðla að eflingu íslensks tónlistarlífs með því að veita tónlistarfólki styrki til tónleikahalds í Hörpu. Sérstök áhersla er lögð á að styrkja ungt og framúrskarandi tónlistarfólk.
![](http://images.ctfassets.net/nl35sbcspsvu/2lpAcUtATpPj5fPfNUXgms/dccd74726e775cb32936fbe1948763f6/_MG_6564_medium_.jpg?w=1200&h=806&fl=progressive&q=85&fm=jpg)