Tina Dickow & Helgi Jónsson

Það hafa ekki gefist mörg tækifæri til að sjá Tinu Dickow og Helga Hrafn Jónsson á tónleikum hér heima á þeim tólf árum sem liðin eru frá því að danska söngstjarnan flutti til Íslands.

“Við erum reglulega spurð að því hvenær við ætlum að spila á Íslandi og loksins getum við sagt frá því að við ætlum að stökkva í djúpu laugina og stíga tvö ein á svið í Eldborg Hörpu. Þannig getur fólk upplifað, í sinni tærustu mynd, hvað það er sem fær okkur til að músísera saman og þá töfra sem við sjálf upplifum þegar við gefum okkur tónlistinni á vald."

Tónleikarnir, sem segja má að séu einskonar ferðalag í gegnum þeirra persónulegu sögu saman og þau fjölmörgu lög sem þau hafa samið í sameiningu, eru lokahnykkur tónleikaferðar til fjögurra höfuðborga Evrópu: Amsterdam, Kaupmannahafnar, London og Reykjavíkur.

Missið ekki af einstöku tækifæri til að sjá þessa stórkostlegu listamenn saman, á Eldborgarsviði Hörpu!