Tónlist, Sinfóníutónleikar

Þýsk sálu­messa - Sinfón­íu­hljóm­sveit Íslands

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

2.900 - 8.500 kr

Næsti viðburður

fimmtudagur 17. mars - 19:30

Salur

Eldborg

Efnisskrá 
Olivier Messiaen - Les Offrandes oubliées
Johannes Brahms - Ein dautsches Requiem

Hljómsveitarstjóri
Bertrand De Billy

Einsöngvarar
Emily Porgorelc
Jóhann Kristinsson

Mótettukórinn - stjórnandi Hörður Áskelsson
Söngsveitin Fílharmónía - stjórnandi Magnús Ragnarsson

„Sálumessan hefur haft dýpri áhrif á mig en nokkurt annað trúarlegt verk. Ég hef ekki fundið fyrir slíkri gleði lengi.“ Þannig ritaði Clara Schumann í dagbók sína eftir að hafa hlýtt á frumflutning á Þýskri sálumessu eftir Johannes Brahms, sem alla tíð síðan hefur verið talin eitt af öndvegisverkum trúarlegrar tónlistar á 19. öld. Sálumessan markaði tímamót á ferli tónskáldsins en er um margt óvenjuleg. Brahms valdi sjálfur texta úr Biblíunni fremur en að notast við texta hinnar hefðbundnu sálumessu. Blíð og líknandi nálgun hans er gjörólík því sem almennt tíðkaðist í sálumessum í konsertformi. Tónlistin er hrífandi samruni gamalla og nýrra strauma í tónlistinni, og áhrif barokkmeistaranna Bachs og Händels gefa verkinu aukna dýpt.

Auk sálumessunnar hljómar á tónleikunum sjaldheyrt en heillandi æskuverk Oliviers Messiaen frá árinu 1930. Les Offrandes oubliées (Gleymdar fórnargjafir) er áhrifamikil hugleiðing um ást Guðs á mönnunum, en Messiaen var kaþólskur og mörg verka hans einkennast af djúpri trúartjáningu.

Stjórnandi er Bertrand de Billy, aðalgestastjórnandi Sinfóníuhljómsveitar Íslands, sem er fastagestur við flest helstu óperuhús heims og var um árabil aðalstjórnandi Útvarpshljómsveitarinnar í Vínarborg.

Hrífandi trúartónlist í glæsilegum flutningi einsöngvara og kóra.


Miðaverð er sem hér segir:

A

7.200 kr.

B

5.900 kr.

C

4.500 kr.

D

2.900 kr.

X

8.500 kr.