Tónlist, Börn og Fjölskyldan

Skoð­un­ar­ferð og sögu­stund með Maxímús

Verð

0 kr

Næsti viðburður

laugardagur 3. desember - 11:00

Salur

Harpa

Steinunn Arinbjarnar býður upp á skoðunarferð fyrir yngstu gesti Hörpu í fylgd fullorðinna í leit að Maxímús Músíkús. Við förum um ýmsa sali, króka og kima Hörpu og veltum fyrir okkur hvort þeir séu ákjósanlegir staðir fyrir litla mús að búa á – Maxímús Músíkús er svo sannarlega langminnsti íbúi sem skráður er til heimilis í Hörpu.

Skoðunarferðin endar í Kaldalóni í sögustund með Maxa kl. 11:30.

Í sögustund með Maxa fáum við að fylgjast með tónlistarævintýrum hinnar ástsælu músar Maxímúsar Músíkúsar. Valgerður Guðnadóttir les söguna Maxímús Músíkús kætist í kór, úr hinum vinsæla bókaflokki Hallfríðar Ólafsdóttur og Þórarins Más Baldurssonar við tónlistarundirleik og myndasýningu af tjaldi.

Athugið að fjöldi þátttakenda er takmarkaður í hverja skoðunarferð, fullorðinn þarf að fylgja hverju barni en þó ekki fleiri en tveir. Hægt er að bóka miða í skoðunarferð og sögustund en líka eingöngu í sögustundina.  

Aðgangur er ókeypis en bóka þarf miða hér. Opnað er fyrir bókanir fimm dögum fyrir auglýsta skoðunarferð.


Viðburðahaldari

Harpa

Miðaverð er sem hér segir:

A

0 kr.

Dagskrá

laugardagur 3. desember - 11:00