Veislan á heima í Hörpu

Silfurbrúðkaup, stórafmæli, skírn eða stúdentsveisla? Harpa býður upp á sali, herbergi og rými af öllum stærðum og gerðum – fyrir öll tilefni. Kynntu þér málið á veislur@harpa.is

Meginstefið hjá veisluþjónustu Hörpu er ný íslensk matargerðarlist þar sem hefðbundnir íslenskir réttir eru bornir fram á nýstárlegan hátt. Matseðlar okkar eru árstíðabundnir og eldað úr ferskasta hráefni sem hver árstími býður upp á. Fjölbreytt úrval af léttvíni, sterku víni og bjór má finna á barnum þar sem barþjónar okkar töfra fram drykki eftir óskum.

Veisluþjónusta Hörpu hefur á að skipa stórum hóp starfsfólks með mikla reynslu af veisluhaldi. Hópurinn, sem telur um fimmtíu manns, leggur sig fram við að veita framúrskarandi og um leið persónulega þjónustu þar sem áhersla er lögð á gæði, hagkvæmni og fallega framsetningu.

Hafðu samband við veisluþjónustu Hörpu og við sérsníðum lausn eftir þínum þörfum. Nánar á veislur@harpa.is.