x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Upptakturinn

Tónsköpunarverðlaun barna og ungmenna

Með Upptaktinum, – Tónsköpunarverðlaunum barna og ungmenna, er ungu fólki gefið tækifæri til að senda inn tónsmíð eða drög að henni og vinna markvisst úr hugmyndum sínum með fulltingi listamanna.

Dómnefnd sem skipuð er fagmönnum velur úr innsendum hugmyndum.

Þau verk sem valin eru, verða fullunnin í vinnustofu með aðstoð tónskálda og fagfólks í tónlist. Vinnustofan fer fram í Listaháskóla Íslands og í Hörpu, dagana 10.–18. mars 2017.

Að því ferli loknu hafa orðið til ný tónverk. Hljóðfæraleik og framkvæmd annast fagfólk í tónlist.

Tónverkin verða flutt á metnaðarfullri og glæsilegri tónleikadagskrá í Kaldalóni Hörpu á upphafsdegi Barnamenningarhátíðar í Reykjavík þann 25. apríl næstkomandi kl. 17.00.

Öll verkin sem flutt verða á tónleikunum hljóta tónsköpunarverðlaunin; Upptaktinn 2017.

Markmiðin eru þríþætt:

Sköpun: Að stuðla að tónsköpun ungs fólks og hvetja börn og unglinga til að semja eigin tónlist.

Skráning: Að aðstoða börn og unglinga við að fullvinna hugmyndir sínar í vinnustofu og varðveita þannig tónlistina.

Flutningur: Að gefa börnum og unglingum tækifæri á að upplifa eigin tónlist flutta af fagfólki við kjöraðstæður á tónleikum í Hörpu.


 

Reglur:

  • Öllum börnum sem stunda nám í 5. – 10. bekk í Reykjavík er heimilt að taka þátt í Upptaktinum og senda inn tónsmíð óháða tónlistarstíl.
  • Þátttakendum er skipti í yngri hóp 5.-7. bekkur og eldri hóp 8.- 10. bekkur.
  • Þeir sem komast áfram taka þátt í vinnustofu með fagfólki.
  • Lengd tónverks skal vera 3 -7 mínútur að hámarki bæði einleiks og samleiksverk fyrir allt að 6 flytjendur
  • Skila þarf tónsmíð inn í hefðbundinni eða grafískri nótnaskrift eða með hljóðritun.

Hugmyndin skal hafa borist í síðasta lagi 20. febrúar 2017 á netfangið upptakturinn@gmail.com  með nafni höfundar, aldri, símanúmeri, tölvupóstfangi, titli verks og verkinu á nótum eða mp3 hljóðskrá.

 

Eins og fyrr kemur fram er Upptakturinn á vegum Hörpu tónlistarhúss í samstarfi við  Barnamenningarhátíð Reykjavíkur, Listaháskóla Íslands og RÚV.

 

Verkefnastjóri Upptaktsins er Elfa Lilja Gísladóttir og veitir hún allar nánari upplýsingar í gegnum upptakturinn@gmail.com og sími 6996789

 

Einnig má finna Upptaktinn á Facebook