Philip Glass - Föstu­dagsröð - Sinfón­íu­hljóm­sveit Íslands

EFNISSKRÁ
Philip Glass Sinfónía nr. 8

HLJÓMSVEITARSTJÓRI
Ross Jamie Collins

Bandaríska tónskáldið Philip Glass hefur haft feikilega víðtæk áhrif á samtímamenninguna en eftir hann liggja óperur, sinfóníur, einleiks­ og kammerverk og rafmögnuð verk fyrir hans eigin tónlistarhóp. Auk þess hefur hann átt í frjóu sam­ starfi við listamenn úr heimi popp­, rokk­ og heimstónlistar, rithöfunda, dansara, leikhúsfólk og kvikmyndagerðarmenn svo eitthvað sé nefnt. Óperur Glass á borð við Einstein on the Beach og Akhnaten njóta ævinlega vinsælda þegar þær eru settar upp við helstu óperuhús heims, Glass hefur skrifað tónlist fyrir Óskarsverðlaunamyndir á borð við The Hours og kvikmynd Martins Scorsese, Kundun, en áhrifamesta verk hans í þeim miðli er þó eflaust leiðslukennd hljóðrásin við kvikmyndina Koyaanisqatsi. Sinfóníur Glass búa yfir sama seiðmagninu, en þær eru nú orðnar fjórtán talsins.
Á þessum tónleikum stjórnar Daníel Bjarnason sinfóníu nr. 8, verki frá árinu 2005 sem pantað var af Bruckner­hljómsveitinni í Linz undir stjórn Dennis Russell Davies.
Hljómsveitarstjórinn hvatti tónskáldið til að „líta á hljómsveitina sem samansafn virtúósískra einleikara á borð við þá sem einleikskonsertar eru gjarnan skrifaðir fyrir“. En líkt og tónskáldið segir sjálft er umfjöllunarefnið „tungumál tónlistarinnar sjálfrar“.