Tónlist, Klassík

Osmo og Erin – Sinfón­íu­hljóm­sveit Íslands

Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða
Kaupa miða

Verð

2.900 - 8.700 kr

Næsti viðburður

fimmtudagur 2. febrúar - 19:30

Salur

Eldborg

Sinfóníuhljómsveit Íslands

Hljómsveitarstjóri
Osmo Vänskä

Einleikari
Erin Keefe

Efnisskrá
Osmo Vänskä//Forleikur
Kurt Weill//Fiðlukonsert
Felix Mendelssohn//Sinfónía nr. 3

Osmo Vänskä er heiðursstjórnandi SÍ og íslenskum áheyrendum að góðu kunnur síðan hann var aðalstjórnandi hljómsveitarinnar á árunum 1993-96. Hann hefur gegnt stöðu aðalhljómsveitarstjóra Sinfóníuhljómsveitarinnar í Minnesota í Bandaríkjunum frá 2003, en hann er einnig klarínettuleikari og tónskáld. Forleikinn sem hljómar á þessum tónleikum samdi hann í miðjum heimsfaraldri og skiptast þar á ómstríð stef og hljómfagrir kaflar en verkið er meðal annars samið fyrir stóran hóp slagverksleikara. Osmo samdi verkið sérstaklega sem nokkurs konar fylgirödd við fiðlukonsert Kurts Weill.

Erin Keefe er 1. konsertmeistri Minnesota-hljómsveitarinnar. Hún leikur nú einleik með Sinfóníuhljómsveit Íslands í fyrsta sinn í hinum glæsilega fiðlukonserti eftir Kurt Weill en tónskáldið var af gyðingaættum og flúði Þýskaland eftir valdatöku nasista. Frægastur er Weill fyrir framsækna og grípandi leikhústónlist en eftir hann liggja þó nokkur öndvegisverk ætluð tónleikasviðinu. Í fiðlukonsertinum leikur Weill sér að andstæðum en einleiksfiðlunni er þar teflt fram á móti hljóm-sveit sem aðeins er skipuð blásurum og slagverki.

Loks hljómar hin glæsilega þriðja sinfónía eftir Felix Mendelssohn. Hana samdi tónskáldið eftir ferðalag um framandi slóðir á Bretlandi 1829, en hugmyndin að upphafsstefi hennar kviknaði í hinni sögufræðu Holyrood-höll í Edinborg, sem áður var heimili Maríu Stúart, Skotadrottningar.


Viðburðahaldari

Sinfóníuhljómsveit Íslands

Miðaverð er sem hér segir:

A

7.300 kr.

B

5.900 kr.

C

4.500 kr.

D

2.900 kr.

X

8.700 kr.

Eldborg

Eldborg er stærsti salur Hörpu þar sem öll hönnun og útfærsla skapar glæsilega umgjörð. Salurinn tekur allt að 1600 manns í sæti. Í Hörpuhorni, við glerhjúpinn á annarri hæð, er unnt að vera með standandi kaffiveitingar eða móttökur tengdar Eldborg.