Mozart og Bruckner - Páska­tón­leikar Sinfón­í­unnar

EFNISSKRÁ
Wolfgang Amadeus Mozart Píanókonsert í d­moll K466
Anton Bruckner Sinfónía nr. 9

HLJÓMSVEITARSTJÓRI
Eva Ollikainen

EINLEIKARI
Javier Perianes

Píanókonsert Mozarts í d­moll K466 er einn af áhrifamestu píanókonsertum tónskáldsins, djúphugul og dramatísk tón­ smíð sem var í sérstöku eftirlæti hjá rómantísku kynslóðinni sem á eftir kom. Spænski píanóleikarinn Javier Perianes býr yfir „einstakri samsetningu af hógværð og algerri snilld“ (Sunday Times) og hefur hlotið frábæra dóma fyrir næma og tæknilega óaðfinnanlega túlkun sína á verkum Mozarts. Níunda og síðasta sinfónía Bruckner er sömuleiðis óvenjulega persónuleg og leit tónskáldið á hana sem rökréttan endapunkt ævistarfs síns. Hann tileinkaði verkið Drottni sjálfum en trúin var tónskáldinu ætíð nálæg og hafa margir lýst hinum magn­ þrungnu sinfóníum hans sem íburðarmiklum dómkirkjum úr tónum. Trú hans á sjálfum sér var hins vegar einkar brothætt og eyddi hann dýrmætum árum í endurskrif og leiðréttingar fyrri verka á meðan níunda sinfónían beið. Þegar hann komst loks af stað sóttist verkið hratt og örugglega, en þverrandi heilsa kom í veg fyrir að hann gæti fullklárað fjórða og síðasta þáttinn. Eftir andlát Bruckner tóku aðrir til við að fullklára verkið og gera breytingar á fyrri þáttum þess. Hér hljómar sinfónían eins og Bruckner gekk sjálfur frá henni, í þremur heildstæðum og áhrifamiklum þáttum.