Mín Harpa

Harpa og Canon standa fyrir ljósmyndasamkeppni meðal ungs fólks í sumar sem ber heitið Mín Harpa. Samkeppninni lýkur með verðlaunaafhendingu og ljósmyndasýningu í Hörpu á Menningarnótt.

Í keppninni eru þrír aldursflokkar;

• 6-9 ára (2014-2017)
• 10-14 ára (2009-2013)
• 15-18 ára (2004-2008)

Hugmyndin með keppninni er sjá Hörpu með augum unga fólksins og gefa þeim vettvang og tækifæri til að taka myndir í húsinu, af mannlífinu, umhverfinu og viðburðum. Þátttakendur geta komið í heimsókn í Hörpu þegar þeim hentar á opnunartíma hússins.

Innsending og reglur

Umsóknarfrestur er til og með 10 ágúst 2023. Veitt verða verðlaun fyrir bestu myndirnar í öllum aldursflokkum og ljósmyndasýning með afrakstri samkeppninnar opnuð í Hörpu á Menningarnótt. Athugið að ekki þarf að skrá sig sérstaklega í keppnina. Innsending á mynd jafngildir skráningu.

Myndin þarf að vera tekin inni í Hörpu eða fyrir utan í nærumhverfi Hörpu.

• Hámark tvær myndir fyrir hvern þátttakanda.
• Nafn og aldur þátttakanda. 
• Stuttur texti sem lýsir myndinni, 1-2 setningar.
• Nafn, netfang og símanúmer forráðamanns. 

Senda skal myndir og/eða fyrirspurnir á netfangið minharpa@harpa.is.