Madama Butterfly - Íslenska óperan

Listrænt teymi

Hljómsveitarstjóri: Levente Török
Leikstjóri & Leikmyndahönnuður: Michiel Dijkema
Búningahönnuður: María Th. Ólafsdóttir
Ljósahönnuður: Þórður Orri Pétursson

Hlutverk

Cio-Cio-San - Hye Youn Lee 
Suzuki - Arnheiður Eiríksdóttir
Pinkerton  - Egill Árni Pálsson
Sharpless - Hrólfur Sæmundsson 
Goro - Snorri Wium   
Bonze - Viðar Gunnarsson
Keisaralegur fulltrúi - Unnsteinn Árnason
Prins Yamadori - Jón Svavar Jósefsson
Kate Pinkerton - Karin Torbjörnsdóttir
Yakuside - Jón Ingi Stefánsson
Móðir Cio-Cio-San - Sigurlaug Knudsen
Eldri frænka - Hulda D. Proppé
Yngri frænka - Bernadett Hegyi

Madama Butterfly eftir ítalska tónskáldið Puccini gerist í Japan um aldamótin 1900. Hún er ein af þeim óperum sem hvað oftast eru sviðsettar í heiminum og þykir jafnframt ein sú allra fallegasta. Óperan er harmþrungin saga sem fjallar um ástina, löngunina eftir betra lífi, brostnar vonir og missi.

Michiel Dijkema leikstýrir uppfærslunni, en hann hefur leikstýrt fjölmörgum þekktum uppfærslum víða um heim s.s. Tosca í Leipzig, Turandot í Magdeburg og La Vie Parisienne í Vinaróperunni. Michiel hannar sjálfur leikmyndina en María Th. Ólafsdóttir hannar búningana.

Cio Cio San er ung japönsk stúlka sem verður ástfangin af sjóliðsforingja í Bandaríska hernum með örlagaríkum afleiðingum. Hann giftist henni en hana dreymir um betra líf fjarri fátækt og erfiðleikum. Þegar hann fer frá Japan er hún barnshafandi og bíður í þrjú ár eftir því að hann snúi til baka að sækja hana og son þeirra, sem hann hafði ekki vitneskju um og fari með þau til Bandaríkjanna. Hann snýr aftur til Japan að þremur árum liðnum með bandarískri eiginkonu sinni sem hefur samþykkt að ala upp soninn og á einu andartaki deyja allir draumar hennar og hún sér þá einu leið að taka sitt eigið líf.

Óperan var frumsýnd í La Scala 17. febrúar 1904 og fékk mjög slæmar viðtökur. Tónskáldið tók viðbrögð áhorfenda mjög nærri sér og skilaði greiðslunni sem hann hafði fengið fyrir að semja óperuna. Eftir nokkrar breytingar var óperan sýnd aftur nokkrum mánuðum síðar í Brescia og sló þá í gegn. Hún hefur allar götur síðan verið meðal vinsælustu óperum tónbókmenntanna um allan heim.

Lengd sýningar er 135 mínútur og það eru tvö hlé. 

Miðaverð er sem hér segir: 
Verðsvæði X (úrvalssæti) - 12.900 - Frumsýning 14.900
Verðsvæði A - 9.900 - Frumsýning 11.900
Verðsvæði B - 8.200 - Frumsýning 10.900
Verðsvæði C - 7.200 - Frumsýning 8.900
Verðsvæði D - 5.200 - Frumsýning 6.900