Korda Samfónía

Verið velkomin á stórtónleika Kordu Samfónía, óvenjulegustu hljómsveitar landsins. Korda samanstendur af faglegu tónlistarfólki, nemendum úr Listaháskóla Íslands og fólki sem hefur orðið fyrir áföllum og eru á mismunandi stöðum í endurhæfingaferli. Korda eru því ýmist þaulreyndir hljóðfæraleikarar eða hafa aldrei lagt stund á tónlist fyrr, en útkoman er hreint mögnuð!

Í Kordu Samfóníu skapast einstakt og opið umhverfi til tónsköpunar og metnaður fyrir listrænu gildi, en hljómsveitin einkennist af jafnrétti og stuðningsríku og skapandi umhverfi. Kordu er stýrt af Sigrúnu Sævarsdóttur Griffiths.

Korda Samfónía er studd af Tónlistarborginni Reykjavík, Listaháskóla Íslands, endurhæfingarstöðvum, Geðhjálp, Borgarsjóði, Lýðheilsusjóði og Hörpu.