Hjal kvartett - Múlinn Jazz­klúbbur

Hjal kvartett

Albert Soölvi Óskarsson, saxófónn
Jón Ómar Árnason, gítar
Birgir Steinn Theodórsson, bassi
Helge Haahr, trommur

HJAL kvartett hefur undanfarið látið að sér kveða með tónleikahaldi þar sem tónsmíðar eftir Jón Ómar Árnason og Albert Sölva Óskarsson hafa verið í forgrunni. Áhrifin koma víða að en í grunninn er þetta módernískur jazz, bragðbættur með kryddi úr fönki, blús og jafnvel einhvers konar alþýðu- eða sveitatónlist. Nafnið HJAL vísar í samtal eða að tala saman og er það lýsandi fyrir tónlist kvartettsins. Nú hafa nokkrar tónsmíðar orðið til sem ætlunin er að hljóðrita á fyrsta ársfjórðungi 2023 og gefa út síðar sama ár. Meðlimir kvartettsins hafa allir komið víða við á hinni íslensku jazzsenu. Um tónleika HJAL á Jazzhátíð Reykjavikur árið 2022 hafði franski blaðamaðurinn Matthieu Jouan hjá tímaritinu Citizen Jazz þetta að segja: „Tónlistin kallar fram andrúmsloft jazzklúbba Parísar á tíunda áratugnum, blöndu af post-bop standördum og eigin tónsmíðum, mjög amerískur hljómur, góð tækni. Hlýlegur og rausnarlegur jazz, leikinn af ástríðu og ánægju."