x checkmark arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Sinfóníuhljómsveit Íslands

Hljómsveit hússins — gjörið þið svo vel

Sinfóníuhljómsveit Íslands var stofnuð vorið 1950 og hefur um langt árabil verið í fremstu röð hljómsveita á Norðurlöndum enda fengið afbragðs dóma jafnt fyrir hljóðritanir sínar sem og tónleika heima og erlendis.

Vorið 2011 varð Harpa, tónlistar- og ráðstefnuhús, heimili Sinfóníuhljómsveitar Íslands.Hljómsveitin heldur um 100 tónleika á hverju starfsári, m.a. áskriftartónleika með heimsþekktum stjórnendum og einleikurum sem útvarpað er beint á Rás 1, fjölskyldu- og skólatónleika ásamt því að hljóðrita fyrir innlend og erlend útgáfufyrirtæki. Hljómsveitin hefur komið fram á tónleikum við góðan orðstír m.a. í  Bretlandi, Bandaríkjunum, Þýskalandi og Frakklandi.

Franski stjórnandinn Yan Pascal Tortelier tók  við stöðu aðalhljómsveitarstjóra Sinfóníuhljómsveitar Íslands í upphafi starfársins 2016-17. Osmo Vänskä er núverandi gestastjórnandi og heiðursstjórnandi er Vladimir Ashkenazy.

Heimasíða Sinfóníuhljómsveitar Íslands er sinfonia.is 


  • Yan Pascal Tortelier

    Aðalhljómsveitarstjóri

    Yan Pascal Tortelier kemur úr þekktri franskri tónlistarfjölskyldu. Hann hóf ungur nám í fiðlu- og píanóleik og stundaði einnig nám í hljómfræði og kontrapunkti hjá Nadíu Boulanger. Fjórtán ára gamall vann hann til fyrstu verðlauna í fiðlukeppni við Konservatóríið í París og þreytti sama ár frumraun sína sem einleikari með Fílharmóníuhljómsveitinni í Lundúnum.

    Tortelier hefur um langt árabil starfað fyrir Chandos-útgáfuna og hljóðritað fjöldamörg verk einkum með Ulster-hljómsveitinni og BBC-fílharmóníunni. Tortelier er aðalhljómsveitarstjóri Sinfóníuhljómsveitar Íslands frá og með september 2016.

  • Aðalgestastjórnandi

    Osmo Vänskä

    Finnski hljómsveitarstjórinn Osmo Vänskä gegnir  stöðu aðalgestastjórnanda Sinfóníuhljómsveitar Íslands. Vänskä hefur stjórnað öllum helstu hljómsveitum heims og hefur verið aðalstjórnandi Minnesota-hljómsveitarinnar frá árinu 2003. Hann hefur hlotið mikið lof fyrir starf sitt með þeirri sveit, hefur m.a. hljóðritað með henni allar sinfóníur Beethovens. Árið 2014 hlaut Vänskä og Minnesota-hljómsveitin Grammy-verðlaun fyrir hljóðritun sína á sinfóníum Sibeliusar. Vänskä hefur hljóðritað fyrir sænska forlagið BIS um áratugaskeið, meðal annars tvo hljómdiska með Sinfóníuhljómsveit Íslands sem hafa hlotið afbragðs dóma á heimsvísu.

  • Staðarlistamaður

    Daníel Bjarnason

    Daníel Bjarnason er staðarlistamaður Sinfóníuhljómsveitar Íslands. Hann hefur unnið með og fengið verk sín flutt af fjölda hljómsveita og má þar m.a. nefna Los Angeles Philharmonic, New York Philharmonic, Toronto Symphony Orchestra, BBC Scottish Symphony Orchestra, Residentie Orkest, Ulster Orchestra, Winnipeg Symphony Orchestra, Adelaide Symphony Orchestra, Britten Sinfonia og Sinfonietta Cracovia auk Hljómsveitar Íslensku óperunnar og Sinfóníuhljómsveitar Íslands. Einnig hefur hann starfað með fjölmörgum stjórnendum svo sem Gustavo Dudamel, James Conlon, John Adams, André de Ridder, Ilan Volkov og Alexander Mickelthwate auk þess að eiga samstarf við ýmsar hljómsveitir á borð við Sigurrós, Hjaltalín og Efterklang.

  • Heiðursstjórnandi

    Vladimir Ashkenazy

    Óumdeilanlega frægastur íslenskra ríkisborgara í klassíska tónlistarheiminum. Hvarvetna á byggðu bóli bera menn óblandna virðingu fyrir umfangsmiklu starfi hans og djúphugulu viðhorfi til tónlistarinnar. Í ríflega hálfa öld hefur hann verið í hópi fremstu hljóðfæraleikara heims.