Græn stefna

• Nánast öll orka sem íslensk heimili og fyrirtæki nota er frá hreinum, endurnýjanlegum jarðhita- eða vatnsorkugjöfum. Harpa er tengd við íslenska raforkukerfið, sem hefur eitt hæsta hlutfall nýtanlegs tíma í heiminum.
• Vatnið sem notað er í Hörpu er frá drykkjarvatnslindum í nágrenni Reykjavíkur. Þetta vatn er einstakt að gæðum og þarfnast engrar meðhöndlunar áður en því er dreift til neytenda.
• Framhlið byggingarinnar er úr gleri, en það dregur verulega úr kostnaði við lýsingu.
• Allt sorp í Hörpu er flokkað og allt endurvinnanlegt sorp sent til endurvinnslu.
• Öll hreinsiefni sem notuð eru í Hörpu eru með Svansmerkinu, sem er þekkt og virt umhverfis­vottunarmerki á Norðurlöndunum.

Loftlagsráðstefnan í París 2015

Í nóvember 2015 undirritaði Halldór Guðmundsson, forstjóri Hörpu yfirlýsingu Festu og Reykjavíkurborgar í loftlagsmálum sem var kynnt á Parísarráðstefnunni um loftlagsmál í desember sama ár. Harpa hefur markað stefnu sína í loftlagsmálum fram til ársins 2030.

Markmið fyrir árið 2030

Hlutfall endurvinnanlegs úrgangs verði 75%.
Hlutdeild vistvænni ferðamáta til og frá vinnu verði 30%.
Kolefnisjafna alla losun gróðurhúsalofttegunda sem ekki er hægt að koma í veg fyrir.