x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Vladimir Ashkenazy er kominn heim

Stjórnar Sinfóníuhljómsveit Íslands á Listahátíð

Vladimir Ashkenazy er kominn heim í Hörpu en hann mun stjórna Sinfóníuhljómsveit Íslands á tónleikum Listahátíðar í Reykjavík miðvikudaginn 25.maí. Með honum í för er franski verðlaunapíanistinn Jean-Efflam Bavouzet, sem þykir einn fremsti túlkandi franskrar píanótónlistar í heiminum í dag. Vladimir Ashkenazy þekkir vel til Listahátíðar en hann var aðalhvatamaður að stofnun hennar árið 1970 og er í dag heiðursforseti. Einnig er hann heiðursstjórnandi Sinfóníuhljómsveitar Íslands og hefur stjórnað hljómsveitinni árlega í meira en áratug, en 38 ár eru síðan hann stjórnaði hljómsvetinni síðast á Listahátíð í Reykjavík.

Á efnisskrá er Rómeó og Júlía eftir Tsjajkovskíj, Píanókonsert í G-dúr eftir Maurice Ravel og loks Sinfónía nr. 6, Sveitasinfónían eftir Ludwig van Beethoven. Við vekjum sérstaka athygli á því að tónleikarnir eru annaðkvöld, miðvikudag, en Sinfóníuhljómsveit Íslands leikur að öllu jöfnu á fimmtudagskvöldum.