x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Viðburðaríkasti mánuðurinn frá opnun Hörpu

Yfir 2000 flytjendur komu fram á fjölmörgum sviðum í Hörpu í desember sl. og var helmingur þeirra börn og ungmenni. Haldnir voru rúmlega 60 tónleikar auk annarra og fjölbreyttra viðburða sem drógu mikinn fjölda gesta í húsið. Harpa tók einnig á móti 150 leikskólabörnum sem komu í skipulagðar heimsóknir, Hringskonur héldu sitt árvissa jólakaffi til að safna fé fyrir Barnaspítala Hringsins, Sinfónuhljómsveit Íslands lék m.a. á opnum tónleikum fyrir flóttafólk og starfsfólk Rauða kross Íslands og Gamlárshlaup ÍR var ræst í Hörpu svo fátt eitt sé nefnt.

Gestafjöldinn fór vel yfir 200.000 gesti þennan eina mánuð, sem er tvöföldun á milli ára.

,,Eftir að hafa tekið þetta saman er hægt að staðfesta að desember var viðburðaríkasti mánuðurinn frá opnun Hörpu og líklega hafa heldur ekki komið jafn margir fram í húsinu á einum mánuði.  Jólatónleikar og aðrir tónlistarviðburðir af öllum gerðum, heil listahátíð, fundir, móttökur, verðlaunaathafnir, sjónvarpsútsendingar, útskriftir og jafnvel íþróttaviðburðir fylltu húsið frá morgni til kvölds og það var einstaklega ánægjulegt hvað allt gekk vel upp.“ segir Svanhildur Konráðsdóttir, forstjóri Hörpu. ,,Við höldum áfram að láta reyna á möguleika hússins og gera alls konar skemmtilegar tilraunir með okkar fjölmörgu samstarfsaðilum, sem m.a. miða að því að alls konar fólk á öllum aldri finni ástæðu til að heimsækja Hörpu og njóta þar góðra stunda.“