x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Upptakturinn 2018

Ungir semja, fullorðnir flytja

Jökull Jónsson - Upptakturinn 2017

Með Upptaktinum, Tónsköpunarverðlaunum barna og ungmenna, er ungu fólki gefið tækifæri til að senda inn tónsmíð eða drög að henni og vinna markvisst úr hugmyndum sínum með fulltingi listamanna. Umsóknarfrestur er til og með 12. febrúar. 

Dómnefnd sem skipuð er fagmönnum velur úr innsendum hugmyndum. Öllum börnum sem stunda nám í 5. – 10. bekk í Reykjavík, Mosfellsbæ, Garðabæ og á Seltjarnarnes er heimilt að taka þátt í Upptaktinum og senda inn tónsmíð óháða tónlistarstíl. Þau verk sem valin eru, verða fullunnin í vinnustofu með aðstoð tónskálda og fagfólks í tónlist. Vinnustofan fer fram í Listaháskóla Íslands og í Hörpu, dagana 6. – 16. mars 2018. Að því ferli loknu hafa orðið til ný tónverk. Hljóðfæraleik og framkvæmd annast fagfólk í tónlist.

Tónverkin verða flutt á metnaðarfullri og glæsilegri tónleikadagskrá í Silfurbergi Hörpu á upphafsdegi Barnamenningarhátíðar í Reykjavík þann 17. apríl næstkomandi kl. 17.00.

Öll verkin sem flutt verða á tónleikunum hljóta tónsköpunarverðlaunin; Upptaktinn 2018.

Hugmyndin skal hafa borist í síðasta lagi 12. febrúar 2018 á netfangið upptakturinn@gmail.com með nafni höfundar, aldri, símanúmeri, tölvupóstfangi, titli verks og verkinu á nótum eða mp3 hljóðskrá. Nánari upplýsingar má finna hér

Hér er hægt að fræðast um þátttakendur í Upptaktinum 2017 og hlusta á tónsmíðar þeirra.