x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify snapchat linkedin youtube

Harpa tónlistar-og ráðstefnuhús auglýsir eftir þátttakendum í tónleikaröðinni Sígildir sunnudagar veturinn 2018-2019.

Sígildir sunnudagar eru regnhlífarhugtak yfir klassískar tónleikaraðir og staka viðburði í Norðurljósum, Kaldalóni og opnum rýmum á sunnudögum kl 16:00, frá september 2018 til maíloka 2019. Athugið að tímasetning tónleikanna hefur færst fram um klukkustund frá tónleikaárinu 2017-2018.

Með röðinni gefst áheyrendum kostur á fyrsta flokks kammertónleikum vikulega í Hörpu. Lögð er áhersla á fjölbreytt úrval tónleika með sígildri söng- og hljóðfæratónlist.

Sem fyrr er skipulag tónleika í höndum tónlistarhópanna sjálfra en Harpa veitir röðinni stuðning með afslætti á salarleigu, auglýsingum og aðstoð við markaðssetningu, með það að markmiði að stækka áheyrendahóp klassískra kammertónleika.

Áhugasamir þátttakendur sendi eftirfarandi upplýsingar á sigildir@harpa.is fyrir 12. mars næstkomandi:

  1. Heiti tónlistarmanna/tónlistarhóps.
  2. Fjöldi tónleika í röðinni (tilgreinið hvort óskað er eftir því að halda eina eða fleiri tónleika yfir veturinn).
  3. Óskadagsetning/ar fyrir hverja tónleika. Varadagsetning fyrir hverja tónleika. Athugið að aðeins eru örfáir dagar lausir fyrir áramót, en fleiri eftir áramót. Tónleikaraðir ganga fyrir stökum viðburðum.
  4. Drög að efnisskrá fyrir hverja tónleika.