x checkmark arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Tónleikaveisla í Hörpu

Ólafur Arnalds, Ásgeir og GusGus

Næstkomandi miðvikudag verður sannkölluð tónlistarveisla í Hörpu á vegum LG frá Suður-Kóreu. Fyrirtækið er komið hingað til lands til þess að kynna nýlega afurð frá þeim undir merkinu LG OLED TV.

Tónleikarnir verða í Silfurbergi og verður salurinn undir áhrifum íslenskra norðurljósa. Salurinn er nú þegar óþekkjanlegur en hann verður skreyttur bak og fyrir með sjónvarpsskjáum frá LG. Markmiðið er að mynda norðurljósastemmingu yfir hásumarið og verður þetta því mikið sjónarspil.

Tónlistaratriðin verða í höndum Ólafs Arnalds, Ásgeirs Trausta og Gus Gus. Tónleikarnir hefjast stundvíslega klukkan 21:00 en svæðið opnar klukkutíma fyrr. Íslendingum gafst tækifæri á að vinna miða á tónleikana í sérstöku miðahappadrætti sem var vel auglýst á heimasíðu Hörpu og samfélagsmiðlum Hörpu. Nokkur þúsund manns skráðu sig og reyndu að næla sér í miða. Búið er að hafa samband við vinningshafa.

Það verður því mikið um að vera næstkomandi miðvikudag í Hörpu bæði fyrir augað og eyrað. Hægt verður að fylgjast með viðburðinum á samfélagsmiðlum Hörpu.

Endilega fylgið okkur á Snapchat: harpareykjavik