Tónleikaröðin Sígildir sunnudagar hefur göngu sína á nýjan leik

Dagskrá Sígildra sunnudaga veturinn 2019 – 2020 er sérdeilis fjölbreytt og glæsileg þar sem boðið verður upp á gamlar og nýjar tónlistarperlur í flutningi frábærra flytjenda.

Á meðal tónlistarmanna sem fram koma eru Tríó Nordica og Ragnheiður Gröndal sem flytja íslenskar dægurperlur í nýjum útsetningum Þórðar Magnússonar, Cauda Collective sem frumflytur nýtt verk eftir Halldór Smárason í bland við flutning verka úr smiðjum eldri meistara, Barrokkbandið Brák og Andri Björn Róbertsson töfra fram franska veisludagskrá og Kammersveit Reykjavíkur stendur fyrir þrennum tónleikum, þar af hátíðlegum jólatónleikum sveitarinnar og tónleikum í tilefni 250 ára afmælis Beethovens 2020.

Kammermúsíkklúbburinn efnir til sex tónleika í tónleikaröð vetrarins og undir hatti tónleikaseríunnar Velkomin heim koma m.a. fram tónlistarkonurnar Sólveig Thoroddsen, Anna Sóley Ásmundsdóttir og Björk Níelsdóttir sem hlaut Íslensku tónlistarverðlaunin sem Bjartasta vonin í flokki sígildrar og samtímatónlistar 2018.

Hér má sjá yfirlit yfir dagskrá Sígildra sunnudaga 2019 – 2020.

Dagskrá Sígildra sunnudaga veturinn 2019 – 2020

September 2019

Október 2019

Nóvember 2019

Desember 2019

Janúar 2020

Febrúar 2020

Mars 2020

Apríl 2020

Maí 2020