x checkmark sr arrow-right brouchure calendar check clock close compass conference download easel epal facebook food-and-shopping food fullscreen grid halls harpa-icon harpa sinfo instagram leaf like listi magnify mail menu minify minus move music opera pictures play plus qoute recording search select-alt select shopping simple-arrow-left simple-arrow-right sitemap telephone ticket twitter youtube spotify

Breska sviðsundrið sem hefur heillað heimsbyggðina upp úr skónum er væntanlegt hingað til lands á ný. Síðast fylltust fjórar sýningar þegar STOMP var sett upp árið 2013 og því gleður það okkur að tilkynna að landsmenn fá tækifæri til að sjá hana aftur laugardaginn 11. júní og sunnudaginn 12. júní í Eldborg, Hörpu.

STOMP er smitandi blanda af slagverki, dansi, leikhúsi og gamanleik við áhrifaríka tónlist sem er sprottin úr ólgu og erli hverdsagslífsins. Tíu listamenn nota allt frá Zippó kveikjurum og ruslatunnulokum til jafnvel eldhúsvaska til að knýja fram sprengfiman og glaðlegan takt sem áhorfendur á öllum aldri um allan heim hafa notið árum saman.

STOMP hefur hlotið mikið lof gagnrýnenda um heim allan og fengið fjölda verðlauna og tilnefninga, meðal annars verkið tilnefnt til Oliver verðlaunanna í flokknum „Besta skemmtunin“ og vann til verðlauna fyrir „Besta dansverkið“ í West End sýningu á sömu verðlaunahátíð.

Um sérstakt barnaverð er að ræða, fyrir þá sem eru 16 ára og yngri; barnaverðið er 1.000 kr lægra en almennt verð í öllum fimm verðsvæðum. Hægt er að tryggja sér barnaverðið alls staðar þar sem miðasala fer fram; bæði á netinu og í miðasölu Hörpu. Miðar sem eru keyptir á barnaverði verða skýrt merktir og þar með frábrugðnir öðrum miðum í útliti.

Hægt er að kaupa miða á þessa mögnuðu sýningu með því að smella hér.